ehsan ka badla ehsan urdu story

 ehsan ka badla ehsan

احسان کا بدلہ احسان

ایک دفعہ کا ذکر ہے کہ کسی دریا کے کنارے ایک برگد کا درخت تھا۔اس پر ایک فاختہ رہا کرتی تھی۔

اس درخت کی جڑ میں ایک چیونٹی نے بھی گھر بنا رکھا تھا۔

ایک دن چیونٹی دریا کے کنارے جا رہی تھی ، اتفاق سے اسکا پائوں پھسل گیا اور وہ دریا میں جا گری۔

فاختہ بھی یہ واقعی دیکھ رہی تھی اس سے رہا نہ گیا ۔ اس نے درخت کا ایک پتا چیونٹی کے پاس رکھا 

چیونٹی پتے پر بیٹھ گئی ۔ فاختہ نے وہ پتا اٹھا کر خشکی پر رکھ دیا اور یوں چیونٹی کی جان بچائی۔

کچھ دن گزرے کہ ایک شکاری کا وہاں سے گزر ہوا۔ اس نے فاختہ کو درخت پر بیتھا دیکھا تو نشانی باندھ لیا۔ چیونٹی بھی یہ منظر دیکھ رہی تھی۔

اس نے احسان کا بدلہ اتارنے کی ٹھانی اور شکاری کے ہاتھ پر زور سے کاٹا۔ شکاری کا نشانہ خطا ہو گیا۔

فاختہ آواز سن کر اڑ گئی ، اس طرح فاختہ کی جان بچ گئی۔

سچ ہے کہ کسی کے ساتھ بھلائی کریں تو اسکا صلہ ضرور ملتا ہے۔

اخلاقی سبق

احسان کا بدلہ احسان ہوتا ہے،

کر بھلا سو ہو بھلا